پارێزگاری هەولێر، سەردانی بریندارانی ڕووداوەکەی ئەمڕۆی فەرماندەیی زێرەڤانی کرد

پارێزگاری هەولێر، سەردانی بریندارانی ڕووداوەکەی ئەمڕۆی فەرماندەیی زێرەڤانی کرد

داوای ئەوەی دوای نیوەڕۆی رۆژی دووشەممە 2025.1.6، لە کاتی مەشق و ڕاهێنانی یەکەی ئەندازەیی هەڵگرتنەوەی مین و تەقەمەنی فەرماندەیی زێرەڤانی لە هەولێر، "بۆمبێکی بچووک" تەقەییەوە و بەهۆیەوە ئەفسەرێک و سێ پێشمەرگە بریندار بوون، ئومێد خوشناو، پارێزگاری هەولێر، بە یاوەری د.دلۆڤان محەمەد، بەڕێوەبەری گشتیی تەندروستی هەولێر لە نەخۆشخانەی ئیمرجنسی، سەردانی بریندارانی ڕووداوەکەی کرد و لە نزیکەوە لە دۆخی تەندروستیانی پرسی و هیوای زوو چاکبوونەوەی بۆ خواستن.

وەکو پارێزگای هەولێریش ئامادەیی هەموو هاوکاری و ئاسانکارییەکی بۆ چارەسەرکردنیان نیشاندا و داواشی لە پزیشک و کارمەندانی نەخۆشخانەکە کرد چی پێویستە بۆ چارەسەرکردنیان ئەنجامبدرێت.

جێگەی باسە، برینی بریندارەکان سووکە و مەترسی لەسەر ژیانیان نییە و رەنگە سبەی بتوانن بگەڕێنەوە ماڵی خۆیان و تەندروستیان باشە.