هەولێر ... پیشانگەیەکى شێوەکارى هاوبەشى مامۆستایانى هونەرمەند کرایەوە

هەولێر ...
پیشانگەیەکى شێوەکارى هاوبەشى مامۆستایانى هونەرمەند کرایەوە

ئەمڕۆ سێشەممە 2025.1.14، بە چاودێرى د.ئالان حەمەسەعید، وەزیرى پەروەردە و بە ئامادەبوونى ئومێد خۆشناو، پارێزگارى هەولێر، لە هۆڵى گەلەرى میدیا، لە ژێرناونیشانى ( هەولێر لە نێوان دوێنێ و ئەمڕۆدا ) پیشانگەیەکى شێوەکارى هاوبەشى مامۆستایانى هونەرمەند کرایەوە.

لە کردنەوەى پیشانگەکەدا، کە هەریەک لە ڕاوێژکاری سەرۆکایەتی هەرێم و بەڕێوەبەرى گشتیى دیوانى وەزارەتى پەروەردە و بەڕێوەبەرانى گشتیى پەروەردە و ڕۆشنبیرى و هونەر و بەڕێوەبەرى پەروەردەى ناوەندى هەولێر و ژمارەیەکى دیکە لە سەرپەرشتیارانى پەروەردەیى و مامۆستایان و هونەرمەند و هونەر دۆستان ئامادەى بوون، پارێزگارى هەولێر دواى بەسەرکردنەوەى تابڵۆکان، دەستخۆشى لە مامۆستایانى هونەرمەندى بەشداربووى پیشانگەکە کرد و هیواى سەرکەوتن و بەردەوامى بۆ خواستن.