پارێزگاری هەولێر، سەردانی بنەماڵەی تێکۆشەری گەلەمان خوالێخۆشبوو دلاوەر جوندیانی کرد
شەوى چوارشەممە 2023.2.22، ئومێد خۆشناو، پارێزگاری هەولێر، بەیاوەری سەربەست لزگین، ئەندامی مەکتەب سیاسی و بەرپرسی مەکتەبی رێکخستنی پارێزگای هەولێری پارتی و ئاری نانەکەلی یاریدەری مەکتەبی رێکخستن، بەمەستی هەواڵ پرسین، سەردانی بنەماڵەی كەسایەتیی نیشتیمانپەروەر و تێکۆشەری گەلەمان خوالێخۆشبوو دلاوەر جوندیانیان کرد.
لە سەردانەکەیاندا، ڕۆڵی خوالێخۆشبوویان لەپێشمەرگایەتی و خەباتی نێو بزوتنەوەی رزگاری خوازی کوردستان بەرزنرخاند، کە لە هەموو قوناغەکاندا ڕۆڵی دیار و بەرچاووی هەبووە و بەشی زۆری تەمەنی لە خەبات و تیکۆشان بۆسەرفرازی و ئازادی گەلەکەی تەرخان کردبوو.