پیشانگایەکی تایبەتى باخچەى منداڵانى دەشتى هەولێر کرایەوە

ئەمرۆ دووشەممە 2023.3.13، لە ژێرچاودێرى ئومید خۆشناو، پاریزگارى هەولێر، لە چوارچێوەى کارو چالاکییە هونەرییەکانى 13 مین فیستڤاڵى یادەکانى ئازادى و نەورۆز مەسعود کاڕەش، جێگرى پارێزگار، پیشانگایەکى شێوەکارى بۆ باخچەى منداڵانى دەشتى هەولێرى لەهۆڵى بەرێوەبەرایەتى چالاکى قوتابخانەکان کردەوە.

لە پیشانگاکەدا کە هەریەک لە یاریدەدەری پارێزگار و قائیمقامى ناوەند و بەڕێوەبەرى گشتیى ڕۆشنبیرى و هونەرى هەولێر و بەڕێوەبەری گشتی پەروەردەی هەولێر و بەڕێوەبەرى پەروەردى دەشتى هەولێر و ژمارەیەکى دیکە لە مامۆستایان و هونەرمەند و هونەر دۆستان ئامادەى بوون، جێگرى پارێزگارى هەولێر دواى بەسەرکردنەوەى تابلۆکانی پیشانگاکە، دەستخۆشى لە مامۆستایان و سەرپەرشتیار و بەشداربووانى پیشانگاکە کرد و هیوای سەرکەوتنى بۆ خواستن.