هەولێر ... بەڕێوەچوونی ڕێورەسمى ناساندنى کۆبەندی گۆڤاری "ئاڵای ئیسلام"
هەولێر ...
بەڕێوەچوونی ڕێورەسمى ناساندنى کۆبەندی گۆڤاری "ئاڵای ئیسلام"
ئەمڕۆ شەممە 2024.12.7، بە ئامادەبوونى ئومێد خۆشناو، پارێزگارى هەولێر و کۆمەڵێکى دیکە له ئه‌دیبان، نووسەران و توێژەرانی بواره جیاجیاکانی فەرهه‌نگى و زانستی ئیسلامی، لە شارى هەولێر، ڕێورەسمێکى تایبەت بە ناساندنى کۆبەندی گۆڤارى ( ئاڵای ئیسلام ) و یادێک بۆ پرۆفیسۆری کۆچکردوو ( د. ئازاد علی ) یەکێک لە سەرنوسەرانی گۆڤارەکە بەڕێوەچوو.
لە ڕێورەسمەکەدا، ئامانجی سەرەکی گۆڤارەکە له بواری ڕۆژنامەگەری وەک گەشەپێدان بە بابەتە زانستی و ئەکادیمییەکانی ئایینی ئیسلام و چۆنیەتی بەرەوپێشبردنی لە پێناو خزمەتکردنی زیاتر پێناسە کرا و تیشک خرایە سەر ڕۆڵى کۆچکردوو ( د.ئازاد علی ) وەک یەکێک لە سەرنوسەرانی گۆڤارەکە، کە توانى به یارمه‌تی گشتی لەم بوارەدا خزمه‌تێکی شایانی هەبێت و دەورێکی گرینگ بگێڕێت.
