هەولێر .. ساڵیادی دامەزراندنی پەیمانگای مافە نێودەوڵەتییەکان بەڕێوەچوو

هەولێر ..
ساڵیادی دامەزراندنی پەیمانگای مافە نێودەوڵەتییەکان بەڕێوەچوو

ئێوارەی ئەمڕۆ چوارشەممە 2025.12.10، بەئامادەبوونی ئومێد خۆشناو، پارێزگاری هەولێر و ژمارەیەکی دیکە لە نوێنەرانی حزب و لایەنە سیاسیەکان و پسپۆڕانی یاسای نێودەوڵەتیی و دادوەر و داواکارى گشتیی و ئەكادیمی و چالاكوانانی کۆمەڵی مەدەنی لە هەولێر، یەکەمین ساڵیادی دامەزراندنی پەیمانگای مافە نێودەوڵەتییەکان بەڕێوەچوو.

لە ڕێورەسمەکەدا، پارێزگاری هەولێر، لە وتارێکدا وێڕایی پێرۆزبایی بەبۆنەی ساڵیادی دامەزراندنیان، هیوای سەرکەوتنی لە کاروبارەکانیانی بۆخواستن و ئومێدی خواست زیاتر برەو بەکارەکانیان و ستراتیژیتی هاوبەشیان لەگەڵ دامەزراوە دادوەرییەکانی هەرێمی کوردستان بە تایبەتی دەستەی مافی مرۆڤی حکومەتی هەرێمی کوردستان بدەن و هەماهەنگبن لەگەڵ پێودانگە نێودەوڵەتییەکانی مافی مرۆڤ و ڕێکخراوەکانی تر بۆ باشترکردنی ڕەوشی مافی مرۆڤ لە هەرێمی کوردستان و دادبینکردنی دادپەروەری.

لەبەشێکی تری وتارەکەشیدا، پارێزگاری هەولێر، تیشکی خستەسەر ڕەوشی ناوچەکە بەگشتیی و قۆناغی دوای هەڵبژاردنی پەرلەمانی عێراق بەتایبەتی و ئەو قۆناغەی بە گرنگ وەسفکرد و ئاماژەی بەوەدا، پێویستە بۆ ڕاستکردنەوەی ڕێڕەوی حوکمڕانی لە عێراق و جێبەجێکردنی بڕگەکانی دەستوور، هەموو لایەنە سیاسییەکان بە جددی کار لەسەر ئەم پرسە بکەن و لێکنزیک ببنەوە و ئەزموون لە هەڵەکانی رابردوودا وەربگرن.