لە هەولێر.. سێیەمین فیستڤاڵی ڕامان بەڕێوەچوو

لە هەولێر..
سێیەمین فیستڤاڵی ڕامان بەڕێوەچوو

ئەمڕۆ چوارشەممە 2025.12.17، ئومێد خۆشناو، پارێزگاری هەولێر، بەشداربوو لە سێیەمین فیستڤاڵی ڕامان، کە بە ئامادەبوونى د.سالار عوسمان، بەرپرسى بەشى ڕۆشنبیرى و ڕاگەیاندنى پارتى و ئاریان سەڵاح الدین، بریكاری وەزارەتی ڕۆشنبیری و ژمارەیەک لە ئەدیب و رۆژنامەوان و ئەدیب و ڕووناکبیران و بەرپرسانی ترى حزبی و حکومی و ئیداری و ڕۆژنامەنووسان و شاعیران و هونەرمەندان و نووسەران، لە هەولێرى پایتەخت بەڕێوەچوو.

لە ڕێورەسمەکەدا، پارێزگاری هەولێر، بە بۆنەی ساڵیادی دامەزراندی گۆڤاری ڕامان پیرۆزبایی لە سەرنووسەر و دەستەی نووسەران و ستافەکەی کرد، کە توانیوانە لە ماوەی ئەو مێژووە پڕشانازییەوە خزمەتێکی زۆری ناوەندی ڕۆشنبیری و ئەدەبی کوردی بکات و ڕۆڵی دیاری هەبێت لە پێشخستنی بزاڤی ئەدەبی و فیکری و ڕوناکبیری کوردی.

جێگەى باسە، فیستڤاڵەکەدا کە دوو ڕۆژ بەردەوام دەبێت، جگە لە پێشکەشکردنی چەند وتارێک لە بارەی گۆڤاری ڕامان کە گۆڤارێکی مانگانەیە و لە ساڵی 1996 یەکەمین ژمارەی دەرچووە، چەندین پانێڵ لە بارەی ئەدەب و کولتوورى کورد و کۆڕی شیعر پێشکەش دەكرێت.