ئورمیە ... شاندی حکومەتی هەرێمی کوردستان، کارگەی گەورەی پیشەسازییان بەسەرکردەوە

ئورمیە ...
شاندی حکومەتی هەرێمی کوردستان، کارگەی گەورەی پیشەسازییان بەسەرکردەوە

لەچوارچێوەی سەردانەکەیان بۆ کۆماری ئیسلامی ئێران و بەمەبەستی لەنزیکەوە ئاگاداربوون لەکار و بەرهەمە پیشەسازییەکان، ئەمڕۆ هەینی 2023.6.2، شاندی هەرێمی کوردستان، کە پێکهاتووە لە سەرجەم پارێزگار و سەرپەرشتاری ئیدارە سەربەخۆکان و بەڕێوەبەری گشتی پەیوەندیەکانی هەرێمی کوردستان - ئێران و ژوورە بازرگانییەکان و یەکێتی هاوردە و هەناردنکاران، کارگەیەکی گەورەی پیشەسازی دروستکردنی کۆنتێنەر و بۆدی و عەرەبانەی تڕێلەیان لەشاری ئورمییە بەسەرکردەوە کە (3) هەزار کرێکار کاری تێدا دەکات.

دوای ئەوەی بەش و هێڵەکانی بەرهەمهێنانی کارگەکەیان بەسەرکردوە، لەلایەن خاوەنی کارگەکەوە چۆنیەتی کارکردن و ڕێژەی بەرهەمهێنانی ڕۆژانە و جۆری بەرهەم و شێواز و چۆنیەتی کارکردنی کارگەکە خرایەڕوو.