بە سەرپەرشتی پارێزگاری هه‌ولێر، کۆبوونەوەیەک بۆ چارەسەرکردنى گرفت و کێشەکانى ئاو ئەنجامدرا
بە سەرپەرشتی پارێزگاری هه‌ولێر، کۆبوونەوەیەک بۆ چارەسەرکردنى گرفت و کێشەکانى ئاو ئەنجامدرا
ئەمڕۆ یەکشه‌ممه 2023.7.2، بە سەرپەرشتی ئومێد خۆشناو، پارێزگاری هه‌ولێر و بەئامادەبوونی مەسعود کاڕەش، جێگرى پارێزگار و ئارى محمەد، بەڕێوەبەرى گشتیى ئاو و ئاوەڕۆى هەرێم، له دیوانى پارێزگا، کۆبوونەوەیەکى تایبەت سەبارەت بە پلان و بەرنامەى پارێزگاى هەولێر بۆ چارەسەرکردنى گرفت و کێشەکانى ئاوى ماڵان ئەنجامدرا.
لە کۆبوونەوەکەدا کە هەریەک لە بەڕێوەبەرانى ئاو و ئاوەڕۆى ناوشار و دەوروبەر و بەڕێوەبەرى قەیرانەکانى پارێزگا و بەرێوەبەرى ژمێریارى پارێزگا ئامادەى بوون، پارێزگارى هەولێر تیشکى خستەسەر چارەسەرکردنی گرفتەکانى ئاو لە سنوورى پارێزگاى هه‌لێر، لەوبارەیەشەوە هەردوو بەڕێوەبەرایەتى ئاو و ئاوەڕۆى ناوشار و دەوروبەرى ڕاسپارد لە زووترین کاتدا دەستکراوەبن و دەست بە جێبەجێکردنى پڕۆژەکان بکەن بۆ چارەسەرکردنى هەر کێشە و گرفتێکى ئاو لەهەر شوێنێک هەبێت، لەوانەش لێدانى بیرى و چاککردنەوە و چارەسەرکردنى گرفتە تەکنیکیەکانى ترى بیرەکان.
لە تەورێکى ترى کۆبوونەوەکەدا، دواى خستنە ڕووى چەندین پێشنیار بۆ چارەسەرى کێشەى كه‌می ئاوی خواردنه‌وه‌ی ماڵان له به‌شێك له گه‌ڕه‌كه‌كانی شارى هه‌ولێر و قەزا و ناحییە و گوند و ناوچەکانى ترى سنوورى پارێزگاى هەولێر، پارێزگارى هەولێر دووپاتى کردەوە کە هەردوو بەڕێوەبەرایەتى تەواوى هەوڵەکانیان بخەنەگەڕ بۆ دەربازبوون لەو گرفتانەى هەن و تەئکیدى لەسەر خێڕاترکردنى پڕۆسەى لێدانى بیرى ئاوى خواردنەوەى بەدیل و نوێ لە هەولێر و دەوروبەر و نۆژەنکردنەوەى بیرەکان کردەوە.
لە کۆتایشدا، کۆبوونەوە بە پێویستى زانى هەر هاوڵاتییەک لە سنووری هەر شەش بەڕێوەبەرایەتى شارەوانییەکەى هەولێر گرفت و کێشەى کەمى ئاوی هەبێت، بۆ چارەسەرکردنى دەتوانێت ڕۆژانە لە کاتژمێر ( 8 )ى بەیانی تاکو کاتژمێر ( 10 )ى شەو پەیوەندی بەو ژمارە تەلەفۆنانەوە بکات:-
سنوورى شارەوانى یەک
07515250001
07515260001
سنووری شارەوانی دوو
07515250002
07515260002
سنووری شارەوانی سێ
07515250003
07505260003
سنووری شارەوانی چوار
07515250004
07515260004
سنووری شارەوانی پێنج
07515250005
07515260005
سنوورى شارەوانی شەش
07515250006
07515260006