پارێزگاری هەولێر، سەردانی ئیدارەی سەربەخۆی سۆرانی کرد
پارێزگاری هەولێر، سەردانی ئیدارەی سەربەخۆی سۆرانی کرد
ئەمڕۆ یەکشەمە 2023.7.23، ئومێد خۆشناو، پارێزگاری هەولێر، سەردانی ئیدارەی سەربەخۆی سۆرانی کرد و لە لایەن هەڵگۆرد شێخ نەجیب، سەرپەرشتیاری ئیدارەی سەربەخۆی سۆران پێشوازی لێکرا.
لە دیدارەکەدا، گفتوگۆ لە بارەی پڕۆژە خزمەتگوزارییەکانى پارێزگاى هەولێر و ئیدارەی سەربەخۆی سۆران کرا، کە توانراوە بە شێوەیەکى فراوان پێداویستی و بەشێکی زۆر لە خواست و داواکارییه‌كانی هاووڵاتییان جێبەجێبکرێت و پڕۆژەى خزمەتگوزارییەکان بگەێنرێت بەو شوێن و جێگایانەى کە پێویستن.
دواتر هەردوولا تیشکیان خستەسەر پلان و بەرنامەی کاریان لە پێناو زیاتر خزمەتکردن و گەیاندنى دەستى ئاوەدانى بە شێوەیەكی دادپەروەرانە بۆ هەموو قەزا و ناحیە و گوندەكانی سنووری پارێزگای هەولێر و ئیدارەی سەربەخۆی سۆران.