بەحركە ... لە چەند ڕۆژى داهاتوودا قوتابخانەیەکی ئامادەیی 18 پۆلی سەردەمیانە دەکرێتەوە

بەحركە ...
لە چەند ڕۆژى داهاتوودا قوتابخانەیەکی ئامادەیی 18 پۆلی سەردەمیانە دەکرێتەوە

ئەم قوتابخانەیە کە بەشێوە و شێوازێکى سەردەمیانە لە سەر ڕووبەرى 500 مەتر دووجا لە ناحییەى بەحرکە بە هەموو پێداویستیەکەوە دروستکراوە، لە چەند ڕۆژى داهاتوو بە ڕووى خوێندنى ( هەزار و 260 ) قوتابی دەکرێتەوە و هەردوو قوتابخانەی ئامادەیی بەحرکەی کچان و هەرمانی بنەڕەتی کچان دەگوازرێنەوە بۆ ئەم قوتابخانەیە.

قوتابخانەکە پێکهاتووە لە 30 ژوور بۆ کارگێرى و مامۆستایان و هۆڵى خوێندن، ئەوە جگە لە تاقیگەکانی ( فیزیا، کیمیا، زیندەزانی و کۆمپیۆتەر و کافتریا و گۆڕەپانی یاریگا ) و چەندین خزمەتگوزاری دیکە و لە سەر ئەرکی وەبەرهێنەر ئەحمد رێکانی، وەک کارێکى خێرخوازى دروستکراوە.

جێگەى باسە، تا ئێستا لە سەنتەری ناحیەی بەحرکە 13 قوتابخانەی بنەڕەتی و سێ قوتابخانەی ئامادەیی هەنە و فەرمانی دروستکردن بۆ دوو قوتابخانەی دیکەش دەرچووە.