پارێزگاری هەولێر، سەردانی بەرەی تورکمانی کرد

پارێزگاری هەولێر، سەردانی بەرەی تورکمانی کرد

رۆژی دووشەممە 2024.10.7، ئومێد خۆشناو، پارێزگاری هەولێر، سەردانی بارەگای هەولێری بەرەی تورکمانی کرد و لەلایەن ئایدن مەعروف، ئەندامی مەکتەبی سیاسی بەرەی تورکمانی پێشوازی لێکرا.

لە دیدارەکەدا، پارێزگاری هەولێر، وێڕای پیرۆزبایی بەبۆنەی ڕۆژی نەتەوەیی لە نەتەوەی تورکمان، جەختی لە پێکەوەژیانی نەتەوەکان و پشتیوانیکردن لە مافی پێکهاتەکان لە هەرێمی کوردستان کردەوە.

جێگەی باسە، لە 7ـی ئۆکتۆبەری ساڵی 1997 لەیەکەم کۆنگرەی لایەنە سیاسییەکانی تورکمان، بڕیار درا ئەو ڕۆژە بکرێتە ڕۆژی نەتەوەیی تورکمان و لەو ڕۆژەوە ساڵانە پێکھاتەی تورکمان ئەو یادە بەرز ڕادەگرن.