لە هەولێر... گەورەترین فیستیڤاڵی مانگی پیرۆزی ڕەمەزان لەژێر قەڵا کرایەوە

لە هەولێر...
گەورەترین فیستیڤاڵی مانگی پیرۆزی ڕەمەزان لەژێر قەڵا کرایەوە

ئەمشەو شەممە 2026.2.21، بەئامادەبوونی ساسان عەونی، وەزیری شارەوانی و ئومێد خۆشناو، پارێزگاری هەولێر و چیا هەرکی، یاریدەدەری بەرپرسی مەکتەبی ڕێکخستنی هەولێری پارتی و زانا مەلاخالید، بەرپرسی لقی2ی پارتی و کارزان عەبدولهادی، سەرۆکی شارەوانی هەولێر و ژمارەیەکی تر لە بەرپرسانی حزبی و حکومی و بەڕێوەبەرانی شارەوانیەکان و فەرمانگە خزمەتگوزارییەکانی تری هەولێر، لە ژێر سێبەری قەڵات و لە بەردەم پارکی شار، گەورەترین فیستیڤاڵى شەوانى مانگى پیرۆزى ڕەمەزان تایبەت بە ( خواردنی کوردەواری، خواردنی بیانی، کاری دەستی و چالاکی هونەری و کارى دیکەى جۆرا و جۆر ) کرایەوە، کە لەلایەن سەرۆکایەتی شارەوانی ڕێکخراوە و تاکۆتایی ئەم مانگە پیرۆزە بەردەوام دەبێت.

وەزیری شارەوانی و پارێزگاری هەولێر دوای کردنەوەی فیستیڤاڵەکە و بەسەركردنەوەی ستاند و کۆشکەکانی، ئومێدی سەرکەوتن و بەردەوامیان بۆ کاسبکاران و بەشداربووانی خواست و دەستخۆشیان لە تیمەکانی سەرۆکایەتیی شارەوانیی هەولێر کرد بۆ ڕێکخستنی ئەو فیستیڤاڵە لە سەنتەری شاری هەولێر.