پەیامی پارێزگاری هەولێر، لەساڵیادی جینۆسایدی کوردی فەیلی

پەیامی پارێزگاری هەولێر، لەساڵیادی جینۆسایدی کوردی فەیلی

لە 46ـەمین ساڵوەگەڕی شاڵاوە دڕندانەکانی جینۆسایدکردنی کوردانی فەیلی، کە لەلایەن ڕژێمی پێشوو ئەنجامدرا، سەری ڕێز و نەوازش بۆ گیانی پاکی شەهیدانی کوردی فەیلی و سەرجەم شەهیدانی کوردستان دادەنوێنین.

ئەو تاوانە گەورەیەی دژ بە خوشک و برایانی فەیلیمان کرا، تەنیا شەهیدکردن و بێسەروشوێنکردن نەبوو، بەڵکو هەوڵێکی نامرۆیانە بوو بۆ سڕینەوەی ناسنامە و زەوتکردنی ماڵ و سامانی سەدان هەزار هاووڵاتیی بێتاوان.

وەک پارێزگاری هەولێر، جارێکی دیکە داوا لە حکومەتی عێراقی فیدراڵ دەکەین بە ئەرکە یاسایی و دەستوورییەکانی خۆی هەڵسێت و، هەنگاوی جددی بنێت بۆ قەرەبووکردنەوەی شایستەی بنەماڵەی شەهیدان و تەواوی زیانلێکەوتووانی کوردانی فەیلی و گشت زیانلێکەوتووانی دەستی ڕژێمی پێشووی عێراق.

سڵاو بۆ گیانی پاکی شەهیدانی کوردی فەیلی و سەرجەم شەهیدانی ڕێگای ڕزگاریی کوردستان.

ئومێد خۆشناو
پارێزگاری هەولێر
2026.4.4