نێچیرڤان بارزانی، سەرۆکی هەرێمی کوردستان سەرکۆنەی هێرشە درۆنییەکەی دوێنی دەکات و دەڵێت، "ئەم ھێرشانە بە تەواوی رەتکراوە و پەرەسەندنی مەترسيدارن."

نێچیرڤان بارزانی، سەرۆکی هەرێمی کوردستان سەرکۆنەی هێرشە درۆنییەکەی دوێنی دەکات و دەڵێت، "ئەم ھێرشانە بە تەواوی رەتکراوە و پەرەسەندنی مەترسيدارن."

دەقی پەیامەکەی نێچیرڤان بارزانی:

بە توندی سەرکۆنەی ئەو هێرشانە دەکەین کە بەرەبەیانیی دوێنی نووسینگەی سەرۆکوەزیرانی هەرێمی کوردستان، بەڕێز مەسروور بارزانی و شوێنی حەوانەوەی سەرۆکی ئاژانسی پاراستنيان کردە ئامانج. ئەم ھێرشانە بە تەواوی ڕەتکراوە و پەرەسەندنی مەترسيدارن.

داوا لە حکوومەتی فیدراڵ دەکەین بەرپرسیاریەتی و پابەندیی دەستووریی خۆی لە پاراستنی ئاسایش و سەقامگیریی وڵات جێبەجێ بکات بۆ دووبارەنەبوونەوەی ئەم دەستدرێژییانە.

پاراستنی سەروەری، ئاسایش و سەقامگیریی عێراق بە هەرێمی کوردستانیشەوە، بەرپرسیاریەتییەکی هاوبەشە و ھەمووان دەبێ کار بۆ ئارامکردنەوە و نەھێشتنی گرژییەکان بکەن.

نێچيرڤان بارزانی
سەرۆکی ھەرێمی کوردستان

١٧/٨/٢۰٢٦