لە دوو رۆژدا 12 هەزار گەشتیار لە ناوەڕاست و باشووری عێراق هاتوونەتە هەولێر
"لە مانگێکدا 130 هەزار گەشتیار لە رێگەی بازگەکانەوە سەردانی هەولێریان کردووە"
بەگوێرەی ئاماری بەڕێوەبەرایەتی گەشتوگوزار هەولێر لە ماوەی دوو رۆژدا 12 هەزار گەشیار لە شارەکانی ناوەڕاست و باشووری عێراق سەردانی هەولێریان کردووە.
ئیسماعیل مینەخان، بەڕێوەبەری گشتی گەشتوگوزاری هەولێر راگەیاند: "تەنیا لە رۆژانی 20 و 21ی ئەم مانگەدا، زیاتر لە 12 هەزار گەشتیار لە ناوەڕاست و خوارووی عێراق هاتوونەتە هەولێر".
گوتیشی: "لەم مانگەدا زیاتر لە 130 هەزار و 396 گەشتیار تەنیا لە رێگەی بازگەکانەوە سەردانی هەولێریان کردووە".