لەسەر بودجەی ڕێزدار نێچیرڤان بارزانی، سەرۆکی هەرێمی کوردستان، به‌ردى بناغه‌ى پارکى گەورەى هەریر دانرا
له‌سه‌ر بودجه‌ى ڕێزدار نێچیرڤان بارزانی، سەرۆکى هەرێمى کوردستان، سه‌رله‌به‌یانى رۆژی سێشەممە 2022.4.12، له‌ژێر چاودێرى و ئاماده‌بوونى ئومێد خۆشناو، پارێزگاری هەولێر بەیاوەرى هیوا ئەحمەد مستەفا، بەرپرسى لقى24ى سەفینى پارتی دیموکراتى کوردستان، له‌ڕێوره‌سمێكدا به‌گوژمه‌ى (1,446,203,000) ملیارێک و چوارسەد و چل و شەش ملیۆن و دووسەد و سێ هەزار دینار، به‌ردى بناغه‌ى پرۆژەى (دروستکردنى پارکى گەورەى هەریر) لەسەر ڕووبەرى (29,656)م2 دانرا، كه له‌لایه‌ن پارێزگاى هەولێر سەرپەرشتى دەکرێت و لەلایەن كۆمپانیایى (شەیدا) جێبه‌جێده‌كرێ و ماوه‌ى ته‌واوكردنى پڕۆژه‌كه‌ش (365) ڕۆژه.
له‌ڕێو ره‌سمه‌كه‌دا، كه هه‌ریه‌ك له مه‌سعود كاڕه‌ش، جێگرى پارێزگار و نزار مەلاغەفور، ئەندامی پەرلەمانی کوردستان و ئیبراهیم شێخەڵا، قائیمقامى قەزایى شەقڵاوە و به‌ڕێوه‌به‌رى گشتیى شاره‌وانیەکان و به‌ڕێوه‌به‌رى ناحییه‌ى هەریر و ژماره‌یه‌كى دیكه له به‌رپرسانی ئیدارى ناوچه‌كه و هاوڵاتییان ئاماده‌ی بوون، پارێزگارى هه‌ولێر، وێڕاى پیرۆزبایى له خه‌ڵكى سنوورى ناحییەى هەریر بۆ ئه‌نجامدانى ئه‌م پڕۆژەیە، ئومێدى خواست لەئایندەیەکى نزیکدا بتوانرێت پڕۆژەى دیکەى و خزمەتگوزارى زیاتر پێشكه‌ش بەو دەڤەرە و ته‌واوى سنوورى پارێزگاى هەولێر بکرێت.
