پارێزگاری هه‌ولێر، سەردانى نوێنەرایەتى حکومەتى هەرێمى کوردستان لە ئەمریکا کرد
پێنجشەممە 2022.5.19، ئومێد خۆشناو، پارێزگارى هەولێر، بەیاوەرى شاندى پارێزگاى هەولێر، سەردانى نوێنەرایەتى حکومەتى هەرێمى کوردستان لە ئەمریکا کرد و لەلایەن بەیان سامى عەبدولڕەحمان، نوێنەرى حکومەتى هەرێمى کوردستان لە ئەمریکا بەگەرمى پیشوازیان لێکرا.
لەدیدارەکەدا، پارێزگارى هەولێر، ستایشى رۆڵى نوێنەرایەتى حکومەتى هەرێمى کوردستان لە ئەمریکا کرد لەپەرەپێدانى پەیوەندییەکانى هەرێمى کوردستان و ئەمریکا و گەیاندنى پرسەکانى تایبەت بە هەرێمى کوردستان و هەوڵدان بۆ بەدەست هێنانى پشتگیرى بۆ هێزى پێشمەرگەى کوردستان بەتایبەتى لە شەڕى بەرەنگاربوونەوەى ڕێکخراوى تیرۆریستى داعش و دروستکردنى پردى پەیوەندى لەنێوان بەرپرسانى حکومى ویلایەتە یەکگرتووەکانى ئەمریکا و هەرێمى کوردستان.
