بەگوژمەی نزیکەى (300 ملیۆن دینار) بەردی بناغەی پرۆژەى قیڕتاوکردنى شەقامە ناوخۆییەکانى گەڕەکى (9000)ى ناحییەى دارەتوو دانرا

ئەمڕۆ دووشەممە 2022.10.3، لەژێرچاودێرى ئومێد خۆشناو پارێزگاری هەولێر و بەئامادەبوونى مەسعود کاڕەش، جێگرى پارێزگار و جوان فەتحوڵڵا، قائیمقامى قەزایی دەشتى هەولێر و سەرتیپ خالید، بەڕێوەبەرى گشتیى شارەوانییەکان و ژمارەیەکى دیکە لەئەندازیار و سەرپەرشتیارانى پڕۆژەکە، بەردی بناغەی پرۆژەى قیرتاوکردنى شەقامە ناوخۆییەکانى گەڕەکى (9000)ى ناحییەى دارەتوو بەگوژمەى (295 ملیۆن و 522 هەزار و 125 دینار) لەسەر بودجەی پەرەپێدانی پارێزگای هەولێر بۆ ساڵى 2021-2022 دانرا، کە بە شێوەی بەڵێندەرایەتی جێبەجێدەکرێت و ماوەی تەواوکردنى پڕۆژەکەش(30) ڕۆژە.

لەبارەى پڕۆژەکە، پارێزگارى هەولێر داوای لە تیمەكانی شارەوانی و سەرپەرشتیار و ئەندازیارانى پڕۆژەکە كرد، لە جێبەجێكردنی پرۆژەكەدا هەوڵەکانیان زیاتر بخەنەگەڕ بۆ خێرا تەواوکردنى پڕۆژەکە، هەروەها وێڕایى پیرۆزبایی لەهاوڵاتییانى ناوچەکە ئومێدى خواست ئەنجامدانى پڕۆژەکەش ببێتە مایەى ڕەزامەندیى دانیشتوانى ئەو گەڕەکە و ناحییەکە کە شایەنى خزمەتکردنى زیاترن.

بەتەواوبوونى پڕۆژەکە، کە قیرتاوکردنى (20,950م2)یە، ئاسانكاریى زۆر باش بۆ دانیشتووانی ناوچەکە دەستبەر دەکات و گرفتى زۆرى هاتووچۆى هاوڵاتییان چارەسەر دەکات.