لەهەولێر.. بەشی هەناو لە نەخۆشخانەی هەولێری فێرکاری دواى نۆژەنکردنەوەى کرایەوە

لەهەولێر..
بەشی هەناو لە نەخۆشخانەی هەولێری فێرکاری دواى نۆژەنکردنەوەى کرایەوە
سەرلەبەیانى ئەمڕۆ یەکشەممە 2022.10.23، بەئامادەبوونى د.سامان بەرزنجى، وەزیرى تەندروستیى حکومەتى هەرێم و ئومێد خۆشناو، پارێزگارى هەولێر و مەسعود کاڕەش، جێگرى پارێزگار و د.دلۆڤان محەمەد، بەڕێوەبەرى گشتیى تەندروستیى هەولێر و بەرێوەبەرى نەخۆشخانەى هەولێرى فێرکارى و ژمارەیەکى دیکە لە پسپۆر و پزیشک و کارمەندانى تەندروستیى، بەشی هەناو لە نەخۆشخانەی هەولێری فێرکاری دواى نۆژەنکردنەوەى کرایەوە، کە بە گوژمەی (295 ملیۆن دینار) ڕاستەوخۆ لەلایەن بەڕێوەبەرایەتی گشتیی تەندروستی هەولێر پڕۆژەکە جێبەجێکراوە.
دواى بە سەرکردنەوەى هۆڵەکانى نەخۆش و یەکە یەکە بەشەکانى، پارێزگارى هەولێر، وێڕاى دەست خۆشی لە بەڕێوەبەرایەتى گشتیى تەندروستیى هەولێر بۆ نۆژەنکردنەوەى ئەم بەشە و پزیشک و کارمەندانى کە خەمخۆران و پەرۆشانە کارەکانیان ئەنجامدەدەن. ئومێدى خواست هاوڵاتییان هیچ کات پێویستیان بەو بەشە نەبێت و هەمیشە ساغ و تەندروستبن.
جێگەى باسە، پڕۆژەى بەشی هەناو لە نەخۆشخانەی هەولێری فێرکاری، لە سەر رووبەری 1273 مەتر2 دروستکراوە و جگە لە دابینکردنى پێداویستیە پزیشکیەکانى، کارەکانی شارستانی و میکانیک و کارەبایى سەرلەنوێ بۆ ئەنجامدراوە.