پارێزگارى هەولێر، سەردانى سەندیکاى پارێزەرانى کوردستانى کرد

پارێزگارى هەولێر، سەردانى سەندیکاى پارێزەرانى کوردستانى کرد

ئەمڕۆ سێشەممە 2023.1.3، ئومێد خۆشناو، پارێزگارى هەولێر بەیاوەرى هێمن قادر، جێگرى پارێزگار و نەبەز عەبدولحەمید، قائیمقامى ناوەند و عەبدولواحید ئەحمەد، سەرۆکى شارەوانى هەولێر، بەبۆنەی ڕۆژی پارێزەرانی کوردستان سەردانى سەندیکاى پارێزەرانى کوردستانى کرد و لەلایەن بەختیار حەیدەر، سەرۆک و ئەندامانى ئەنجوومەنى سه‌ندیكاى پارێزه‌رانى كوردستان پێشوازی لێکرا.

پارێزگارى هەولێر، بە بۆنەى ڕۆژی پارێزەرانی کوردستان پیرۆزبایی لیکردن و هیوای سه‌ركه‌وتن و پێشکەوتنی زیاترى بۆ خواستن، ڕایگەیاند: "پارێزەران توێژێکی کار و کاریگەری جێبەجیکردنى یاسان لە هەرێمى کوردستان، ئومێد دەکەین ئه‌و ڕۆڵ و کاریگەرییه‌ زیاتر بێت بۆ خزمەتکردنى کۆمەڵگا و پاراستنى سەرورەى یاسا".

جێگەى باسە، له‌ 1993.1.3 په‌رله‌مانى كوردستان بڕیارى دامه‌زراندنى سه‌ندیكاى پارێزه‌رانى كوردستان دەرکرد و ئه‌و رۆژه‌ کرا بە ڕۆژى پارێزه‌رانى کوردستان، هه‌موو ساڵێكیش له‌م ڕێککەوتەدا پارێزه‌ران لە سەرتاسەرى کوردستان یادى ئەو ڕۆژە ده‌كه‌نه‌وه‌.