بارانبارین بەردەوام دەبێت
لەم هەفتەیەدا شەپۆلێكی بەفر و باران و نزمبوونەوەی پلەكانی گەرما هەرێمی كوردستانی گرتووەتەوە و پێشبینییش دەكرێت، لە ٤٨ كاتژمێری داهاتوودا بەردەوامی هەبێت.
بەگوێرەی پێشبینییەکانی کەشوهەوا، ئەمڕۆ سێشەممە، ٣١ی كانوونی دووەمی ٢٠٢٣، تەواوی ڕۆژەكە ئاسمان هەور و باراناوی دەبێت و بارینی بەفر لە ناوچە شاخاوییەکاندا بەردەوام دەبێت. لە کاتەکانی دوایی نیوەڕۆوە دابارین لە هەندێ ناوچەی باشووری هەرێم لە نمەبارانەوە بۆ شەستەباران و بروسکە دەگۆڕێت و لە ناوچەکانی ڕۆژهەڵات و باشووری شاری سلێمانی ڕێژەی دابارین زیاتر دەبێت .
پلەکانی گەرما نزمبوونەوەیەکی کەم بە ١-٢ پلە جیاواز لە ڕۆژی پێشوو دەبێت.
خێرایى با لە ناوچەکانی باشووری ڕۆژهەڵاتی هەرێم ١٠-٢٠ کم دەبێت.
مەوداى بینین لەنێوان ٦-٨ کم دەبێت و لەو شوێنانەی دابارین هەیە، بۆ ٥-٧ کم كەم دەبێتەوە .
پێشبینیی بەرزترین پلەکانی گەرما لە ٤٨ كاتژمێری داهاتوودا:
هەولێر : ١٠ پلەى سیلیزى
سلێمانی : ٦ پلەى سیلیزى
دهۆک : ١٠ پلەى سیلیزى
کەرکوک : ١٤ پلەى سیلیزى
هەڵەبجە : ٩ پلەى سیلیزى
زاخۆ : ١٠ پلەى سیلیزى
سۆران : ٢ پلەى سیلیزى
گەرمیان : ١٦ پلەى سیلیزى