پارێزگاری هەولێر، شەقامی ئیسکانی بەسەرکردەوە

چوارشەممە 2023.4.5، ئومێد خۆشناو، پارێزگاری هەولێر، بە یاوەری نەبەز عەبدولحەمید، قائیمقامی ناوەند، بە مەبەستی لە نزیکەوە ئاگاداربوون لە ڕەوشی شەوانی ڕەمەزان و کارو کەسابەتی کاسبکار و دوکانداران، شەقامی ئیسکانی بەسەرکردەوە و لە نزیکەوە لە ڕەوشی شەوانی شەقامی ئیسکانی لە مانگی ڕەمەزانی پیرۆز کۆڵییەوە و گفتوگۆی لەگەڵ هاوڵاتییان و دوکانداران و کاسبکارانی نێو شەقامە کرد و گوێی لە گلەیی و کەم و کوڕیی و پێداویستیەکانیان گرت.

شەقامی ئیسکان یەکێکە لە قەرەباڵغترین و زیندووترین شەقامەکانی هەولێری پایتەخت و سروشتی ئەوشەقامە وایە کە هیچ کات چۆڵ نابێت و بەردەوام بە شەو و رۆژ جمەی دێت لە هاووڵاتییان بەتایبەتی لاوان و گەنجان.