گەڕەکى 5ی حەسارۆکان.. بە گوژمەى زیاتر لە (278 ملیۆن دینار) دەستکرا بە قیڕتاوکردنی چەند شەقامێک
ئەمڕۆ پێنجشەممە 2023.4.6، لە چوارچیوەى گەیاندنى پرۆژە خزمەتگوزارییەکان و بە مەبەستى لە نزیکەوە ئاگاداربوون لە چۆنیەتى بەڕێوەچوونى کارەکان، ئومێد خۆشناو، پارێزگارى هەولێر، بە یاوەرى عەبدولواحید ئەحمەد، سەرۆکى شارەوانى هەولێر و بەڕێوەبەرى شارەوانى4، پرۆژەی قیرتاوکردنی چەند شەقامێکى پشت مزگەوتی بلال خەیلانی لە گەڕەکی 5ى حەسارۆکان بەسەرکردەوە، کە بە گوژمەی (287 ملیۆن و 650 هەزار دینار) لە سەر داهاتی 15%ى سەرۆکایەتی شارەوانی هەولير بە شێوەی بەڵێندەرایەتی دەست بەجێبەجێکردنی کراوە.
پارێزگاری هەولێر لە بەسەرکردنەوەکەیدا لە نزیکەوە لەگەڵ تیمی سەرپەرشتیاری پڕۆژەکە لە چۆنیەتی بەڕێوەچوونی کارەکانی کۆڵییەوە و ده‌ستخۆشى له کرێکاران و ئه‌ندازیارانی پڕۆژەکە كرد و ڕایگەیاند: "لە ئێستادا لە چوارچێوەى گەیاندنى پڕۆژە خزمەتگوزارییەکان، چەندین پڕۆژەى دیکەى دروستکردنى شەقام و قیڕتاوکردن لە چەند گەڕەک و شوێنێکی ترى شارى هەولێر دەستیپێکردووە، وەکو پارێزگاى هەولێر هەموو هەوڵێکى خۆمان خستۆتەگەڕ تاکو بتوانین بەبێ جیاوازیی لە ناو شار و دەرەوەى شار و بەشێوەیەکى یەکسان، پڕۆژە خزمەتگوزارییەکان و دەستى ئاوەدانى بگەێنین بەهەموو شوێنێکى سنوورى پارێزگاکەمان".