پارێزگاری هەولێر، بەربانگی لەگەڵ خۆبەخشان کردەوە

ئێوارەی پێنجشەممە 2023.4.6، ئومێد خۆشناو، پارێزگاری هەولێر، بەربانگی مانگی ڕەمەزانی پیرۆزی لەگەڵ خۆبەخشانی شاری هەولێر کردەوە، کە لەکاتی ڕووداوی کارەساتی بومەلەرزەکەی (تورکیا و سوریا) لە 6ـی شوباتی 2023 تاکو 17 شوبات بە هانای زیانلێکەوتووانە چوون بە کۆکردنەوەی کۆمەک و هاوکاری و ڕزگارکردن و دەرهێنانی قوربانیان لەژێر باڵەخانە ڕوخاوەکاندا.

دوای بەربانگ، لەلایەن پارێزگاری هەولێر وێڕای دەستخۆشی لە یەکە بەیەکەیان بۆ ئەنجامدانی ئەو کارە مرۆییە، سوپاس و پێزانینی پارێزگای هەولێری پێشکەشکردن و هیوای سەرکەوتن و بەردەوامی لە کاری خۆبەخشی کە کارێکی مرۆیی مەزن و پیرۆزە بۆ خواستن.

جێگەی باسە، ئێوەرە خوانەکە لەلایەن پارێزەر سەفین یاسین ڕێکخرابوو.