پەیامی پیرۆزبایی پارێزگاری هەولێر، بەبۆنەی یەکی ئایار ڕۆژی جیهانیی کرێکاران

پەیامی پیرۆزبایی پارێزگاری هەولێر، بەبۆنەی یەکی ئایار ڕۆژی جیهانیی کرێکاران

بەناوی خودای بەخشندە و میهرەبان

بە بۆنەی یەکی ئایار، ڕۆژی جیهانیی کرێکاران، گەرمترین پیرۆزبایی ئاراستەی کرێکارانی کوردستان و عێراق و جیهان بەگشتی و هەولێری پایتەخت بەتایبەتی دەکەین.

وێرای پشتیوانیمان بۆ بەدەستهێنانی مافە رەواكانی کرێکاران و دابینكردن و فەراهەمكردنی ژیان و گوزەرانێكی شایستە بۆیان، داواكارین هەردەم شانبەشانی چین و توێژەكانی دیكەی كۆمەڵگەی كوردستان دەست و بازووی بونیادنان و ئاوەدانكردنەوە و بووژانەوەی هەرێمی كوردستان بن.

لەم بۆنەیەدا، جگە لە ڕێز و پێزانین بۆ ئەرک و ماندووبوون و هێزی بیر و بازووی کرێکارانی کوردستان، وەکو پارێزگای هەولێر لە چوارچێوەی یاسای کار لە هەرێمی کوردستان کە لە ماوەی ڕابردوودا، بەشێک بووە لە چاکسازییەکانی کابینەی نۆیەم لە بواری باشترکردنی ژیان و مسۆگەرکردنی مافەکانی کرێکاران لە ڕووی تەندروستی و سەلامەتی پیشەیی و دابینکردنی مافە یاساییەکانیان و سنووردانان بۆ هەموو جۆرە ستەم و چەوساندنەوەیەکی کرێکاران، پابەندبوونی خۆمان بە پاراستنی ماف و دەستەبەرکردنی ژینگەیەکی لەباری کارکردن لە هەردوو کەرتی گشتی و تایبەتیدا، دووپات دەکەینەوە.

ئومێد خۆشناو
پارێزگاری هەولێر
2023.5.1