ساڵیادى دامەزراندنى دەزگاى نێو دەوڵەتى پێشمەرگە بۆ کاریى مرۆیی

ساڵیادى دامەزراندنى دەزگاى نێو دەوڵەتى پێشمەرگە بۆ کاریى مرۆیی

ئەمڕۆ سێشەممە 2023.12.12، بە ئامادەبوونى ئومێد خۆشناو، پارێزگارى هەولێر و ژمارەیەکى تر لە خانەوادەی سەربەرزی شەهیدان و بەرپرسانى لەشکرى و نوێنەرانی دام و دەزگای حکومی و نا حکومی و حزبی و ڕێکخراوەکان، لە هەولێرى پایتەخت، ڕێورەسمى (5)مین ساڵیادى دامەزراندنى دەزگاى نێو دەوڵەتى پێشمەرگە بۆ کاریى مرۆیی بەرز ڕاگیرا.

لە ڕێورەسمەکەدا، پارێزگارى هەولێر، وێڕاى پیرۆزبای بەبۆنەى ساڵیادى دامەزراندنى دەزگاکەیان، دەستخۆشى لە خۆبەخشان و سەرۆکى دەزگاکە کرد و تەواوى پاڵپشتى خۆى بۆ دەزگاکە دووپاتکردەوە و هیواى سەرکەوتنى و بەردەوامى لە کارى مرۆیی و خێرخوازى بۆ خواستن.

جێگەى باسە، دەزگا نێو دەوڵەتی‮ ‬پێشمەرگە بۆ کارى مرۆیى، دەزگایەكی‮ ‬خۆبەخش و خۆنەویستە، وەک ئەركێكی‮ ‬نیشتیمانی‮ ‬و لە پێناو پاراستنی‮ ‬كلتووری‮ ‬خۆبەخشی‮ و خۆنەویستی پێشمەرگە و هۆشیاركردنەوەی‮ ‬لاوان بۆ كاری‮ ‬خۆ بەخشی و ئاسانکارى بۆ چارەسەری‮ ‬ئەو پێشمەرگانەى ‬كە چارەسەریان لە هەرێمدا نییە کاردەکات و خزمەت پێشکەش بە پێشمەرگە و کەس و کاری شەهیدان و نەوەی ئەنفالکراوان دەکات.