هەولێر... ئاهەنگی دەرچوونی قوتابیانی قوتابخانەی کامبریچ بەڕێوەچوو

هەولێر...
ئاهەنگی دەرچوونی قوتابیانی قوتابخانەی کامبریچ بەڕێوەچوو

ئێوارەی ئەمڕۆ دووشەممە 2024.6.3، بە ئامادەبوونی ئالان حەمە سەعید، وەزیری پەروەردە و ئومێد خۆشناو پارێزگاری هەولێر و د.محمەد شوکری، سەرۆکی دەستەی وەبەرهێنان و هەڵگورد شێخ نەجیب، سەرپەرشتیاری ئیدارەی سەربەخۆی سۆران و نوێنەری بارەگای بارزانی و کونسڵی گشتی بەریتانیا لە هەولێر و ژمارەیەکی تر لە مامۆستایان و کەس و کار و خانەوادەی قوتابیان، ڕێورەسمى دەرچوونی قوتابیانی قوتابخانەی ناحکومى کامبریجی نێودەولەتی بەڕێوەچوو.

لە ڕێورەسمەکەدا، پارێزگاری هەولێر پیرۆزبایی لە قوتابیان و مامۆستایانی کامبریچ کرد و هیوای ئایندەیەکی گەشی بۆ خواستن.