بەئامادەبوونى پارێزگارى هەولێر، کولێژى زانستە ئەندازیارییە کشتوکاڵیەکان سێیەمین فیستیڤاڵى کشتوکاڵى ئەنجامدا

سەرلەبەیانى رۆژی چوارشەممە 2022.3.30، بەئامادەبوونى ئومێد خۆشناو، پارێزگارى هەولێر و ئەحمەد کانى، بەرپرسى لقى2ى پارتى دیموکراتى کوردستان و سەرۆکى زانکۆى سەڵاحەدین و بەریوەبەرى گشتیى کشتوکاڵى هەولێر و ژمارەیەکى دیکە لەبەرپرسان و ڕاگر و مامۆستایان و قوتابیانى کولێژەکانى زانکۆى سەڵاحجەدین، کولێژى زانستە ئەندازیارییە کشتوکاڵیەکان بەبەشدارى چەندین فەرمانگەى حکومى و کۆمپانیاکانى کەرتى تایبەت و جوتیارانى نموونەیی لەژێرناونیشانى( لەپێناو پێشحستنى سێکتەرە کشتوکاڵیەکان و برەودان بە بازاڕکردنى بەهەمە خۆماڵیەکان) سێیەمین فیستیڤاڵى کشتوکاڵى لەسەنتەرى ڕۆشنبیرى زانکۆى سەڵاحەدین ئەنجامدا.
دواى کردنەوەى پێشانگاى کشتوکاڵى فیستیڤاڵەکە و بەسەرکردنەوەى بەشەکانى، بەڕێزپارێزگارى هەولێر وێڕاى دەست خۆشى لە ڕاگر و مامۆستایانى کولێژى زانستە ئەندازیارییە کشتوکاڵیەکان و قوتابیان و بەشداربووان، هیواى سەرکەوتنى بۆ خواستن.