بەئامادەبوونى پارێزگارى هەولێر، لەپارکی شار هەڵمەتێکی خوێن بەخشین ئەنجامدرا

سەرلەبەیانى رۆژی سێشەممە 2022.6.14، بەئامادەبوونى ئومێد خۆشناو، پارێزگارى هەولێر، هێمن قادر، جێگرى پارێزگار و نەبەز عەبدولحەمید، قائیمقامى ناوەند و د.دلۆڤان محەمەد، بەڕێوەبەرى گشتیى تەندروستى هەولێر، بەبۆنەى ڕۆژی جیهانیی خوێنبەخشان، بەڕێوەبەرایەتى گشتیى تەندروستى هەولێر لە پارکی شار هەڵمەتێکی خوێن بەخشینى ئەنجامدا.
جێگەى باسە، 6/14 ڕۆژی جیهانیی خوێنبەخشان (World Blood Donor Day)ـە و هەموو ساڵێک لەو ڕۆژەدا ڕێز لەو کەسانە دەگیرێت کە وەکوو چالاکییەکی مرۆڤدۆستانە خوێنی خۆیان دەبەخشن بەو کەسانەی کە نەخۆشن و پێویستیان بە خوێن هەیە و بەم شێوەیە بەخشینی خوێن ساڵانە گیانی چەندان ملیۆن مرۆڤ لە مەرگ ڕزگار دەکات.