(60)مین ساڵیادی دامەزراندنی ئیزگەی دەنگی کوردستان بەرز ڕاگیرا

(60)مین ساڵیادی دامەزراندنی ئیزگەی دەنگی کوردستان بەرز ڕاگیرا

ئێوارەی ئەمڕۆ دووشەممە 2023.10.2، بە ئامادەبوونی سەربەست لەزگین، بەرپرسی مەکتەبی ڕێکخستنی هەولێری پارتی و ئومێد خۆشناو، پارێزگاری هەولێر و هیوا ئەحمەد مستەفا، بەرپرسی مەکتەبی ڕێکخراوە جەماوەری و پیشەییەکانی پارتی و د.سالار عوسمان، بەرپرسی مەکتەبی ڕاگەیاندنی پارتی و ژمارەیەکی دیکە لە بەرپرسانی حزبی و کارمەندان و نووسەر و ڕۆژنامەنووسان، لە هۆڵی مەکتەبی ڕاگەیاندنی پارتی، بە بۆنەی (60)مین ساڵیادی دامەزراندنی ئیزگەی دەنگی کوردستان، ڕێورەسمێکی تایبەت سازکرا.

جێگەی باسە، ئێزگەی دەنگی کوردستان بەدرێژایی مێژووی دامەزراندنی ڕۆڵی دیار و بەرچاوی هەبووە لە ڕاگەیاندنی کوردی و بەرپرسیاریارانە کاری رۆژنامەوانی کردووە و وەكو یەكەمین ئێزگەى كوردی شانبەشانی خەباتی پێشمەرگایەتی ڕۆڵی هەبووە بزاڤى ڕزگاریخوازى گەلى کوردستان.