پارێزگاری هەولێر، سەردانی لقی5ـی پارتی لە بەغدا کرد

پارێزگاری هەولێر، سەردانی لقی5ـی پارتی لە بەغدا کرد

دووشەممە 2023.11.13، ئومێد خۆشناو، پارێزگاری هەولێر، سەردانی بارەگای لقی5ی پارتی دیموکراتی کوردستانی لەبەغدا کرد و لە لایەن ئەشواق جاف، ئەندامی کۆمیتەی ناوەندی و بەرپرسی لق و کارگێڕ و ئەندامانی لق بە گەرمی پێشوازی لێکرا.

لە دیدارەکەدا، باس لە پەیوەندییەکانی نێوان لقی5ی پارتی و پارێزگای هەولێر کرا و تەئکید لە سەر هاوکاری و هەماهەنگی نێوانیان کرایەوە.

لە تەوەرێکی تری دیدارەکەدا، گفتوگۆ لە بارەی پرۆسەی هەڵبژاردنی ئەنجومەنی پارێزگاکانی عێراق و چۆنیەتی بەڕێوەچوونی هەڵمەتی بانگەشەی هەڵبژاردنەکە کرا، لەوبارەیەشەوە پارێزگاری هەولێر وێڕای دەستخۆشی هیوای سەرکەوتنی لە هەڵبژاردنەکان و بەدەستهێنانی دەرەنجامی مەزن و سەرکەوتنی کاندیدانی پارتی بۆ خواستن.