لە هەولێر .... مەراسیمی کۆتایی پاڵەوانیەتی "کوردستان پادڵ تۆرنەمێنت" بەرێوەچوو

لە هەولێر ....
مەراسیمی کۆتایی پاڵەوانیەتی "کوردستان پادڵ تۆرنەمێنت" بەرێوەچوو

شەوی دووشەممە 2026.10.26، بەئامادەبوونی ئومێد خۆشناو، پارێزگاری هەولێر و بارز حەسەن میرخان بەڕێوەبەری وەرزشی هەولێر، مەراسیمی کۆتایی و خەڵاتکردنی براوەکانی پاڵەوانیەتی "کوردستان پادڵ تۆرنەمێنت" بەڕێوەچوو.

پاڵەوانیەتییەکە کە یەکێکە لە چالاکییە وەرزشییە سەرنجڕاکێشەکانی ئەم دواییەی هەولێری پایتەخت بۆ یاری پادڵ (Padel) — کە وەرزشێکی خێرا گەشەسەندووە و تێکەڵەیەکە لە نێوان تێنس و سکواش — بە بەشداری چەندین تیمی بەهرەمەند و ڕکابەری بەهێز بەڕێوەچوو.

پارێزگاری هەولێر وێڕای پیرۆزبایی لە تیمە براوەکان، پاڵپشتی تەواوی پارێزگای هەولێری بۆ کەرتی وەرزش و لاوان دووپاتکردەوە و ئاماژەی بەوەشدا كە پەرەپێدانی ئەم جۆرە پاڵەوانیەتییە مۆدێرنانە نیشانەی زیندوویی و پێشکەوتنی ژێرخانی وەرزشییە لە هەولێری پایتەخت.

لەكۆتایشدا، جام و خەڵاتی ڕێزلێنان بەسەر سەرکەوتووانی خولەکەدا دابەشکرا.