هەولێر …. رێو رەسمێک بۆ ساڵیادی داستانی کۆبانێ بەرێوەچوو

هەولێر ….
رێو رەسمێک بۆ ساڵیادی داستانی کۆبانێ بەرێوەچوو

ئێوارەی ئەمڕۆ شەممە رێکەوتی 28-10-2023 بە ئامادەبوونی فەریق سیهاد بارزانی فەرماندەیی هێزەکانی پشتیوانی یەك ، سەربەست لەزگین ئەندامی مەکتەبی سیاسی پارتی ، عەبدولخالق باپیری بریکاری وەزارەتی پێشمەرگە، ئومێد خۆشناو پارێزگاری هەولێر و ژمارەیەکی بەرچاو لە بەرپرسانی حیزبی و حکومی و فەرماندە سەربازیەکان و پێشمەرگەو کادیران لە نۆهەمین ساڵیادی چوونی پێشمەرگە بۆ کۆبانی رێ و رەسمێك بەرێوەچوو ، هەر بەو بۆنەیەوە دیکۆمێنتاری (لەکۆبانی بووین ) لە هۆڵی مەکتەبی ريکخستنی پارێزگای هەولێر نمایشکرا …
ئەم بەرهەمە دیکۆمێنتاریە نایابە لەلایەن دەزگای سەتەلایتی کوردستان بە پاڵپستی فەرماندەیی هێزەکانی پشتیوانی یەك ئامادەکراوە و گوزارشت لە چیرۆکی مێژوویی چوونی هێزی پێشمەرگە دەکات بۆ کۆبانێ و داستانی سەرکەوتنەکانیان بەسەر تیرۆرستان بۆ نەوەی داهاتوو دەگێرێتەوە ….
شایەنی وەبیرهێنانەوەیە له‌ ئه‌یلوولى 2014 تیرۆرستانی داعش هێرشێكى فراوانیان كرده‌ سه‌ر كۆبانێ و له‌سه‌دا 80 كۆبانێیان كۆنتڕۆڵكرد.
له‌ تشرینى یه‌كه‌مى 2014 له‌سه‌ر داواى سەرۆك مه‌سعود بارزانى و په‌رله‌مانى كوردستان بڕیارى ناردنى هێزى پێشمه‌رگه‌ى كوردستانى بۆ كۆبانێ په‌سه‌ندكرد.
به‌ پشتیوانى هێزى پێشمه‌رگه‌ و فڕۆكه‌ جه‌نگییه‌كانى هاوپه‌یمانان، له‌ 26 كانوونی دووەمی 2015 پێشمەرگە له‌ رۆژئاواى كوردستان ته‌واوى كۆبانێیان كۆنتڕۆڵكرده‌وه‌.