پارێزگاری هەولێر، چارەسەری زیانەکانی قوتابخانەی گوندی سوسێ دەکات
پارێزگاری هەولێر، چارەسەری زیانەکانی قوتابخانەی گوندی سوسێ دەکات
ئەمڕۆ چوارشەممە 2022.12.7، ئومێد خۆشناو، پارێزگاری هەولێر، بەیاوەری مەسعود کاڕەش، جێگری پارێزگار و قائیمقامی قەزایی کۆیە و بەشێک لەبەرپرسانی ناوچەکە، بەمەبەستی لەنزیکەوە ئاگاداربوون لە ڕەوشی خوێندن و قوتابیان و مامۆستایانی، سەردانی قوتابخانەی سوسێی بنەڕەتی تێکەڵاوی کرد.
دوای بەسەر کردنەوەی پۆلەکانی قوتابخانەکە، لە نزیکەوە لەڕەوشی قوتابیانی کۆڵییەوە و گوێی لەداوا و خواستی مامۆستایان گرت، سەبارەت بەو زیانانەی بەهۆی بومەلەرزەوە بەر قوتابخانەکەش کەوتووە، پارێزگاری هەولێر ڕایگەیاند: "لەزووترین کاتدا تیمێکی ئەندازەی پارێزگای هەولێر ڕەوانەدەکەین بۆ چارەسەرکردن و نۆژەنکردنەوەی قوتابخانەکە، یاخود سەرلەنوێ دروستکردنەوەی".
لەلایەن خۆیانەوە بەڕێوەبەر و مامۆستایانی قوتابخانەکە سوپاسی پارێزگاری هەولێر و شاندی یاوەریان کرد بۆ سەردانەکەیان.