کۆبوونەوەیەکی تایبەت بە مەبەستی هەڵسەنگاندنی تەکنیکی بۆ گەڕانەوە بۆ ۱۳ گوندی دەوری حەسەن شام بەڕێوەچوو

کۆبوونەوەیەکی تایبەت بە مەبەستی هەڵسەنگاندنی تەکنیکی بۆ گەڕانەوە بۆ ۱۳ گوندی دەوری حەسەن شام بەڕێوەچوو

رۆژی سێشەممە، ٢٩ی ئابی ۲۰۲۳، کۆبوونەوەیەکی هاوبەش بەسەرپەرشتی ئەندازیار ناز جلال ، بەڕێوەبەری کۆچ و کۆچبەران و وەڵامدانەوەی قەیرانەکانی پارێزگای هەولێر بەڕێوەچوو ، بە مەبەستی ڕێکخستنی پڕۆسە و دیاریکردنی کاری تیمی تەکنیکی بۆ هەڵسەنگاندنی بارودۆخی ۱۳ گوندی دەوری حەسەن شام.

لە کۆبوونەوەکەدا، هەر یەک لە نوێنەرانی دەزگای خێرخوازی بارزانی ، کۆمیسیاری باڵای نەتەوەیەکگرتووەکان UNHCR ، ڕێکخراوی نێودەوڵەتی بۆ کۆچ IOM، بەرنامەی نەتەوە یەکگرتووەکان بۆ کۆچ UNDP و لقی هەولێر ی بەڕێوەبەرایەتی کۆچ و کۆچبەرانی حکومەتی ئیتحادی ، بەشداربوون.

لە کۆبوونەوەکەدا، ئەم رێکارانە خرانەڕوو کە پێویستە بگیرێنەبەر بۆ دیاریکردنی ئەرك و بەرپرسیارەتییەکان بە مەبەستی ئامادەکردنی هەڵسەنگاندنێکی تەکنیکی بۆ بارودۆخی هەر ١٣ گوندەکەی دەوری حسن شام.

هەر یەک لە رێکخراو و لایەنەکان ئامادەیی خۆیان دەربڕی بە مەبەستی سەرخستنی ئەم پرۆسەیە و هەڵگرتنی بەرپرسیارەتی بۆ ئەم هەڵسەنگاندنە و دۆزینەوەی رێگاچارە بۆ هەر گرفتێک کە دەبێتە بەربەست بۆ گەڕانەوەی ئەم خێزانانە لەو ناوچەیە.
دواتر بڕیار لەسەر چەند خاڵێک درا بە رازیبوونی هەموو لایەنەکان.